ليه الـ IPhone من أكتر المنتجات الي بتحسسك باختلاف؟

ليه الـ IPhone من أكتر المنتجات الي بتحسسك باختلاف؟
وليه الناس اللي بتستخدم Apple بنقول عليهم Apple Addicts و مبيعرفوش يغيروا..؟
أسئلة كتير بتيجي في البال  حنحاول نعرف ليه الـ iPhone مميز، وهنبدأ بالـ ICloud ..

ليه الـ ICloud من اهم الـ Features اللي بتميز الـ IPhone؟ ايه مميزاته؟ وايه عيوبه و ازاي نستفيد منه؟

هنقول كل الإجابات دي بشكل مختصر ومفيد ..

الـ ICloud ببساطة عبارة عن سحابة بتقدر ترفع عليها كل بياناتك وبتسترجعها في الوقت اللي انت عايزه، وكل الداتا دي بتكون متخزنة على سيرفرات Apple اللي بتوفر خصوصية تامة للداتا دي.

والـ ICloud من أهم الـ Features لانه بيخزنلك بيانات كتير جدا زي مثلا: iCloud drive - BackUp - Notes - Calendars - Contacts - Mail - Photos - Keychain.
وهنتكلم عن خدمات من دي بالتفصيل في مواضيع منفصلة.

** طيب إيه هي مميزات وعيوب الـ ICloud..؟

- الـ BackUp من أهم المميزات لانها بتديك امكانية انك تعمل نسخة احتياطية من جهازك على الـ Cloud وتقدر تسترجعها اي وقت، ومن خلال موقع www.iCloud.com تقدر تتصفح وتعدل ما تم تخزينه على الـ Cloud.
    
- بجانب تخزين الصور والفيديوهات تقدر تعمل مزامنة مع غيرك اللي يستخدموا نفس الحساب، وكذلك تخزين الصفحات المفضلة ليك على الـ browser مع المزامنة مع الأجهزة اللي بتستخدم نفس الحساب.
    
- من عيوب الـ iCloud واحنا مش بتعتبرها عيوب بالمعنى الحرفي لان حلولها سهلة جدا، اول حاجة مساحة التخزين فيه محدودة لكن الحل سهل وهو انك تشتري مساحة تخزينية أعلى وتجددها كل شهر- ٥٠ جيجا بدولار واحد- .
    
- بالإضافة إنك مش بتقدر تستخدم الـ iCloud إلا مع أجهزة Apple فقط ، لكن ده بيضمن ليك تميز أمان بينك وبين أنواع الموبايلات التانية ;) ..
    
- و كمان لو ذاكرة تليفونك مليانه iCloud بيرفع البيانات و البرامج اللي مش بتستخدمها دايما و يفضيلك مساحة و تقدر تسترجعها مباشرة لو باقتك تستحمل.
    
- العيب الاخير هو انك لازم تكون حافظ الـ password كويس علشان لو ضاع هيكون فيه صعوبة انك ترجعه.